ഏതു വിഴുപ്പും യാതൊരു പ്രതികരണവുമില്ലാതെ ചുമക്കുന്ന ഒരു മ്രഗമാണല്ലോ ''കഴുത''. മഹത്തായ ഒരു പാര്ട്ടിയെ അതിന്റെ നേതാക്കള് ഇന്നു നയിക്കുന്നത് കാണുമ്പോള് അതിനെ സ്നേഹിക്കുന്നവരുടെ മനസ്സില് ഉണ്ടാകുന്ന ഒരു തേങ്ങല് ഇതായിരിക്കും.
ഭൂമിയിലും ആകാശതുമായി വിവാദങ്ങള് ധാരാളം ഉണ്ടാക്കിയ ഒരു പാര്ട്ടിയെ സ്വന്തം ഘടക കക്ഷി കൂടെ കൂട്ടുമ്പോള് , അതിനോടുള്ള ഇന്നത്തെ കോണ്ഗ്രസ് നേതാക്കളുടെ എതിര്പ്പ് കേവലം സീറ്റ് താല്പര്യങ്ങള്ക്ക് അപ്പുറം എന്തെങ്കിലും ആദര്ശങ്ങളുടെ അടിസ്ഥാനത്തിലാണെന്ന് വിശ്വസിക്കുന്നവര് അധികം പേര് കാണില്ല. അതല്ല ആദര്ശത്തിന് തന്നെയാണ് മുന് തൂക്കമെങ്കില് അത് കോണ്ഗ്രസ് ഇനിയും തെളിയിക്കേണ്ടി ഇരിക്കുന്നു.
''അഴകൊഴമ്പന്'' അതെ അതാണ് ഇന്നു യു.ഡി.എഫിനെ നയിക്കുന്നു എന്ന് അവകാശപ്പെടുന്ന കോണ്ഗ്രസ് നയം. സി.പി. എമ്മിന്റെ അത്രയും വേണ്ടെങ്കിലും ഈ കാര്യത്തില് പലതും അവരില് നിന്ന് കോണ്ഗ്രസ് പഠിക്കുന്നത് നന്നായിരിക്കും.
കൂട്ട് കക്ഷികളെ എങ്ങനെ നിലക്ക് നിര്ത്തണമെന്ന് കേരള രാഷ്ട്രീയത്തില് സി.പി. എം കാട്ടി തന്നിട്ടുണ്ട്. ഒന്നോ രണ്ടോ എം. എല്. എ മാരുമായി പ്രൈവറ്റ് ലിമിറ്റഡ് കമ്പനി പോലെ രാഷ്ട്രീയം കളിക്കുന്ന വിദ്വാന്മാരെ എല്ലാം മൂലക്കിരുതിയത് സി.പി. എമ്മാണ്. ബാക്കിയുള്ളവരെല്ലാം വായും പൂട്ടി കൂടെ നില്ക്കുന്നു.
കൂട്ട് കക്ഷികളെ പേടിപ്പിക്കുന്ന ഒരു പാര്ട്ടി ആയില്ലെങ്കിലും , അവരെ പേടിച്ചു കഴിയുന്ന ഒരു പാര്ട്ടിയായി കോണ്ഗ്രസിനെ അതിന്റെ ഇന്നത്തെ നേതാക്കള് അധപതിപ്പിക്കരുത്. മാണി കൂടെ കൂട്ടിയ ജോസെഫിനെയും , മുസ്ലിം ലീഗ് , ജമ അതിയെ കൂട്ടിയാല് അവരെയും താങ്ങേണ്ട രീതിയിലേക്ക് കോണ്ഗ്രസിനെ അധപതിപ്പിച്ചതിനു അതിന്റെ നേതാക്കള് ഒരു നാള് മറുപടി പറയേണ്ടി വരും.
ലോകത്തിലെ ഒന്നാം നമ്പര് ജനാധിപത്യ രാജ്യത്തിലെ ഏറ്റവും വലിയ ജനാധിപത്യ പാര്ട്ടിക്ക് അതിലെ സംഘടന തിരഞ്ഞെടുപ്പ് ജനാധിപത്യ രീതിയില് നടത്താന് കഴിയുന്നില്ല എന്ന് പറഞ്ഞാല് ഇതില് കൂടുതല് എങ്ങനെയാണു ഒരു പാര്ട്ടി അധപധിക്കുക. വ്യക്തി തല്പര്യതിലുപരി രാജ്യതല്പര്യവും , ദീര്ഘ വീക്ഷനവുമുള്ള നേതാക്കള് ഏതൊരു സംഘടനയുടെയും ആണിക്കല്ലുകളാണ്.
യൂത്ത് കൊണ്ഗ്രെസ്സ് ബസില് ആള് കേറുന്നില്ല എന്ന രാഹുല് ജിയുടെ സങ്കടതിനുള്ള മറുപടി ഇതിലുണ്ട് . കഴിവും , അറിവുമുള്ള ചെറുപ്പക്കാരും , കാരികളും രാഷ്ട്രീയം അവരുടെ മേഖലയായി തിരഞ്ഞെടുക്കപ്പെടാത്തത്തിന്റെ കാരണം മനസിലാക്കാന് ഏതു മന്ത്രിക്കും സാധിക്കും. പിന്നെയെന്തിനാണ് അതിനെപ്പറ്റി ഒരു വിശദീകരണം.
സുരേഷ് .
