മുഖം മൂടികള്‍.

ഹൈകോടതി നിര്‍ദേശ പ്രകാരവും , മാധ്യമങ്ങളുടെ പ്രസംസനീയമായ റിപ്പോര്‍ട്ടുകള്‍ വഴിയും വീണ്ടും പോടീ തട്ടിയെടുത്ത മൂന്നാം മൂന്നാര്‍ വിമോചനം മൂന്നാറിനെ രക്ഷിചില്ലെങ്കിലും അത് കൊണ്ട് ഒരു പ്രയോജനം ഉണ്ടായി. നമ്മുടെ രാഷ്ട്രീയ നേതാക്കളുടെ തനി നിറം ഇത്രയും അനാവരണം ചെയ്യപ്പെട്ട മറ്റൊരു സംഭവം ഉണ്ടായിട്ടുണ്ടോ എന്ന് സംശയമാണ്.

യജമാന ഭക്തി കൊണ്ടും , നഷ്ടപ്പെട്ടു പോയേക്കാവുന്ന അവ്ധാര്യങ്ങള്‍ ഓര്‍ത്തും പലരും സമ നില തെറ്റിയ പോലെയാണ് സംസാരിക്കുന്നതു. മാധ്യമങ്ങള്‍ക്കിത് ആകോഷകാലം

ഈ പട്ടികയില്‍ ഒടുവില്‍ വന്നിരിക്കുന്ന വേദ വാക്യം ഐ . എന്‍ . ടി. യു. സി സംസ്ഥാന പ്രസിഡന്റ്‌ വകയാണ്. ധാര്‍മികത നോക്കേണ്ട ആവശ്യം ഞങ്ങള്‍ക്കില്ല എന്ന് ഒരു നേതാവ് പരസ്യമായി പറഞ്ഞാല്‍ മാന്യമായ ഭാഷയില്‍ നമുക്കതിനെ ''വിവരക്കേട് '' എന്ന് വിളിക്കാം.

''ധാര്‍മികത'' എന്നത് ഓരോ വ്യക്തിയും കാത്തു സൂക്ഷിക്കേണ്ടതാണ്. തൊഴിലാളി നേതാവയിരിക്കുമ്പോള്‍ അത് ഇല്ലാത്ത ഒരാള്‍ക്ക് നാളെ എം . എല്‍. എ യോ , മന്ത്രിയോ ആകുമ്പോള്‍ ആ സാധനം എവിടുന്നു മേടിക്കും.

ഒരു ട്രെയിന്‍ മറിഞ്ഞാല്‍ റെയില്‍ മന്തി രാജി വെക്കുന്ന പാരമ്പര്യമുള്ള ഒരു നാടായിരുന്നു നമ്മുടേത്‌. മൂല്യങ്ങള്‍ ഉയര്തിപിടിച്ചിരുന്ന ആ പഴയ കാല നേതാക്കളുടെ മഹത്വം ഇന്നത്തെ എത്ര നേതാക്കള്‍ക്കുണ്ട്. ഇതാണ് നമ്മുടെ നാടിന്‍റെ ശാപവും.

ഒറ്റയാന്‍